Vedtekne på årsmøtet 27.11.79, med seinare endring sist på årsmøtet 14.11.84, og sist på årsmåtet 4.2.92.
1. FORMÅL
1.1 Hordalaget i Oslo vil samla hordalendingar og andre interesserte i Oslo-området til meiningsfylte og allsidige fritidsaktivitetar.
1.2 Laget vil retta seg etter formål og arbeidsprogram til Noregs Ungdomslag (NU) og leggja vekt på samarbeid med andre ungdomslag.
1.3 Nynorsk er laget si målform.
2. MEDLEMSKAP
2.1 Hordalendingar og andre intertessete kan bli medlemmer i laget.
2.2 Alle må retta seg etter lovene og føresegnene i laget.
2.3 Gjennom Bygdelagssamskipnaden i Oslo (BLS) er laget med i NU.
3. ARBEIDSÅRET
3.1 Arbeidsåret følgjer kaldendaråret.
4. ÅRSMØTET
4.1 Årsmøtet skal haldast kvart år innan 10. Februar.
4.2 Omframt årsmøte skal haldast når årsmøtet, eit lagsmøte, styret eller 1/3 av medlemmene krev det.
4.3 Innkalling til årsmøtet og sakliste skal sendast medlemmene minst 14 dagar på førehand.
4.4 Framlegg om saker til årsmøtet må vera komne til styret minst 4 veker før møtet vert halde.
4.5 Saker som skal avgjerast må stå på saklista.
4.6 Årsmøtet vel:
- Leiar, nestleiar, kasserar og 4 styremedlemmer.
- 2 ettersynsfolk for lagsrekneskapen.
- Ei valnemnd på 5 medlemmer
- Dei arbeidnemnder ot tillitsfolk som til ei kvar tid er nødvendige.
- Utsendingar til årsmøtet i BLS og årsmøtet i NU. Desse kan veljast på eit lagsmøte.
4.7 Leiaren, nestleiaren og kasseraren vert valde særskilt for 1 år om gongen. Styremedlemmene vert valde for 2 år om gongen, slik at 2 står på val kvart år.
Varamedlemmer vert valde for 1 år.
4.8 Medlemmene i dei ulike nemndene og andre tillitsfolk vert valde for 1 år om gongen. Leiaren i kvar nemnd, og kasserarn i nemder som har kasserar, vert valde ved særskilt val.
4.9 Årsmøtet skal ta stilling til årsmelding, ettersett rekneskap, arbeidsprogram, budsjett og andre saker styret legg fram.
Saker som er meld i rtt tid, men som styret ikkje fører opp på saklista, kan etter særskild vedtak på årsmøtet likevel takast opp.
4.10 Årsmøtet gjev større løyvingar og lån.
4.11 Årsmøtet avgjer medlemskontigenten.
5. LAGSSTYRET
5.1 Styret leier arbeidet i laget. Det har og ansvaret for arbeidet i nemnder og særgreiner.
5.2 Styret skal syta for at årsmøtet får årsmelding og ettersett rekneskap. Dessutan skal det leggja fram forslag til arbeidsprogram og budsjett for det nye arbeidsåret.
5.3 Styret rår over eiga og skal driva laget på ein økonomisk forsvarleg måte i samsvar med arbeidsprogram og budsjett.
5.4 Leiar saman med nestleiar eller kasserar bind laget med underskriftene sine.
5.5 Styret skal føra protokoll for styremøta, lagsmøta og årsmøtet.
5.6 Styret er vedtaksført når minst 4 medlemmer er tilstades. Står røystene likt avgjer røysta til leiaren, nestleiaren eller møteleiaren, i prioritert rekkefølgje.
6. VALNEMNDA
6.1 Valnemnda skal veljast i årsmøtet etter framlegg frå styret.
6.2 Valnemnda skal komma med forslag på tillitsfolk årsmøtet skal velja. Valnamnda saman med styret har ansvaret for suppleringsval i valåret. Suppleringsval blir avgjort på eit lagsmøte.
7. HORDAHYTTA
7.1 Laget eig og driv eigedommen Hordahytta. Eigedommen kan ikkje avhandast utan samrøystes årsmøtevedtak.
7.2 Ei fast særnemnd, Hyttestyret, har ansvaret for den daglege drifta av hytta. Hyttestyret legg fra eige hytterekneskap for årsmøtet.
8. TRYGGJING AV EIGA
8.1 Vert laget lagd ned eller skifter føremål så det ikkje lenger kan kallas teit frilyndt ungdomslag, skal styret i Bygdelagssamskipnaden ta vare på midelen til laget kjem i gong, eller til det vert skipa eit nytt lag på staden med samme føremål. Går det 15 år frå midelen er teken over og laget ikkje er komen i gong att, skal midelen overlatast bystyret, som etter nærare avtale med fylkeslaget skal nytta han til beste for ungdomsarbeid etter føremålet til laget.
8.2 Lova til Noregs Ungdomslag sjeld når ein skal avgjere om laget har skifta føremål.
8.3 Laget kan ikkje verta nedlagt, eller skifta føremål utan at det vert samrøystes vedteke på to påfølgjande årsmøte med minst eit år imellom.
8.4 Utgiftene til styring av midelen skal dekkjast av midelen.
8.5 Fast lagsleige kan ikkje avhandast eller leigast bort på åremål utan samtykkje frå styret i Noregs Ungdomslag.
9. RØYSTEFRETT
9.1 Alle som har betalt medlemskontigent og vore medlem i laget i minst 3 månader har røysterett.
10. LOVENDRING
10.1 Framlegg om lovendring skal vera kungjort minst 14 dagar før årsmøtet. Årsmøtet kan då vedta endring med 2/3 fleirtal. Paragraf 1 kan ikkje andrast utan 9/10 fleirtal. Paragraf 7, 8 og 10 krev samrøystes vedtak.
11. FØRESEGNER
11.1 I tillegg til desse lovene har laget føresegner for drift. Endring til desse kan berre vedtakast på årsmøtet med vanleg fleirtal.